Antidoping-doaibma

Elliidgilvvohallama antidopingdoaibmagoddi (EKADT) lea iehčanas ja bealeheapme áššedovdiorgána, man ulbmilin lea eastit gildojuvvon dálkasiid ja vugiid geavaheami elliidvaláštallamis nu, ahte dat váldá beali eahpiduvvon dopingdáhpáhusaide ja addá ávžžuhusaid áššáiosolaš organisašuvdnii dagu duođalašvuođas.

Doaibmagoddi lea vuođđuduvvon Helssegis 2.3.2000 ja dasa searvan elliidgilvvohallanorganisašuvnnat bajásdollet doaibmagotti ovttas Helssega universitehta eallidálkkasdiehtaga dieđagottiin. Dál doaibmagoddái gullet Suomen Hippos, Suomen Kennelliitto, Suomen Ratsastajainliitto, Bálgosiid ovttastus ja Greyhound Racing liitto, muhto buot elliidgilvvohallamiid ordnejeaddji servviin lea riekti ohcat saji doaibmagoddái. Doaibmagoddái gulakeahtes elliidgilvvohallansearvvit sáhttet oažžut cealkámušaid eahpiduvvon dopingdáhpáhusain sierra mávssu vuostá.

EKADT gieđahallá dohko elliidgilvvohallanservviin boahtán dáhpáhusaid ja addá cealkámuša searvái, muhto ii meroštala ráŋggáštusaid, mat čuvvot rihkkosa. Juohke elliidgilvvohallansearvi mearrida ráŋggáštusain ja ráŋggáštusaid nuppástusohcanvuogis iežaset njuolggadusain.

Heargegilvvohallannjuolggadusain mearrida Suomen Porokilpailijat rs, www.porokilpailijat.fi.