Badjeolbmo ámmát

Badjeolbmo ámmát vuođđuduvvá sohkabuolvvas nubbái sirdašuvvi árbedihtui ja dáidui. Badjeolbmo barggus luondu ja buot gávcci jagiáigodaga leat lahka. Dálá servodagas ii várra leat eará ámmát, man luondduoktavuohta livčče badjeolbmo bargui veardádallamis. Buvttes luondu lea badjeolbmo barggu ja boazokultuvrra joatkašuvvi eaktu.

Aatsinki brothers

Nuorra badjeolbmuid hállu joatkit boazodoaluin lea lunddolaččat boazodoalu joatkáseami vuođđoeaktu. Min illun nuorra joatkit leat ealáhusas reahkkán oalle bures. Máttimus boazodoalloguovllus guhkes joatkašuvvan spireváttisvuođaid dihte nuorain lea goittotge vátni.

Suomas logi boazodoallis ollásii guokte, viđadas, leat vuollái 25-jahkásaččat. Vuollái 25-jahkásaččaid oassi boazodolliin lea stuorát go ealáhatahkásaččaid oassi.

Geavatlaš barggus divrras rollas leat árbevirolaččat buohkat, njuoratmánás ádjáide ja áhkuide. Mánát bajásšaddet boazodollui njuoratmáná rájes, vuorrasat oassálastet boazobargguide nu guhkká go dearvvašvuohta diktá. Bargguid bargat ovttas, vuoruid mielde nuppiin fuolahettiin. Boazodoallu hukse šaldiid sohkabuolvvaid gaskii.

Ollesáigásaš badjeolbmuid boađut bohtet eanáš bohccobierggu ja eará boazobuktagiid vuovdimis. Badjeolbmot leat goittotge árbevirolaččat máŋggadáiddalaččat ja doaimmalaš olbmot. Boađuid leat hárjánan oažžut máŋggalágan gálduin. Ovdamearkan turismii laktáseaddji bálvalusaid fállan ja giehtadujiid vuovdin fállet máŋga ollesáigásaš badjeolbmui dehálaš lasseboađuid. Lassin máŋga oasseáigásaš bargá váldoealáhusa bohccui guoski laktáseaddjiealáhusain, dego turismmain dahje biergoovddidemiin.

Boazodoallu persovnnalaš boazolohku lea priváhttaášši, man ii galgga muitalit. Go badjeolbmos jearrá su bohccuid lohkomeari, oažžu álo eahpesealvves vástádusa: “jeakki dievva”, goappát bealde muora” dahje “in dieđe” leat várra vástádusain dábálamosat.