Boazobuktagat

Buot sajiin gos lea leamaš boazodoallu, leat bohcco duollji ja sisti, ostejuvvon bohcconáhkki leamaš doloža rájes dehálaš materiálat. Dain leat duddjon gárvvuid ja gápmagiid. Maiddái bohccodávttis leat duddjon atnudiŋggaid.

Sisti lea materiálan erenoamáš linis ja asehis, muhto liikká hui nanus. Dat lea iešvuođaid dáfus buot eará náhkiin earálágan, áidnalunddot materiála. Erenoamážit biktasiin sistti fiinna iešvuođat oidnojit. Sistti háliiditge njunušluohká materiálan náhkkebiktasiidda ja -gárvolasážiidda. Sistti ávkkástallet máŋggat máilmmidási mohtadálut.

Boazomateriálaid ávkkástallan duojis lea guovddážis sámekultuvrras. Suoma Sámi Duodji -searvi gáhtte árbevirolaš duoji máhttima. Sámi oahpahusguovddážis Anáris lea vejolaš studeret duoji, mas boazomateriálat leat guovddáš rollas.

Davi duojáriid ovdanbuktet Suoma giehtaduoji musea bajásdoallan siidduin.