Boazu lea Lappi turismma násti
Mo livčče Lappi turisma bohcco haga?
Lappi turismma ollislašbuvttadus lea sullii 550-600 miljovnna euro jahkásaččat ja turismma njulges barggaheaddji váikkuhus lea sullii 5000 olbmo Lappis.
Boazu lea Lappi turismma bivnnuheamos nástebuvtta ja bohcco ávkkástallet viidát márkanastimis, ofelašbláđiin ja fitnodagaid fidnomearkkain. Olles Suopma ávkašuvvá bohccos, muhto bohcco ollislašárvvu – oktan imagoin ja kultuvrrain – lea váttis mihtidit euroin. Čielggas goittotge lea, ahte bohcco ávki lea máŋggageardán go veardida bohccobierggu buvttadeami árvui.
Jearadettiin olgoriikkalaš turisttain maid áššiid sii dovdet dahje dihtet Suomas dahje Lappis, boazu loktana ságastallamiin spiehkastagaid haga bajás. Measta juohke Lappi turistta sávaldahkan lea oaidnit bohcco.
Logit duháhat turisttat oassálastet jahkásaččat maiddái boazoturismadáluid fállan vásáhusaide.
Turisttaid kvalitehtadovdan lea sturron ja sii atnet árvvus eanet eakti ja luondduvuđđosaš vásáhusaid. Oassi turisttain háliida maiddái oahpásnuvvat vuđoleappot lundui ja árbevirolaš kultuvrraide ja bargat áššiid ieš.
Boazoturismafitnodagat fállet turisttaide vejolašvuođa eakti boazovásáhusaide. Boazodálloturisma lea turisma, mas áššehas sáhttá oahpásnuvvat boazodálu árgabeaivválaš eallimii. Maiddái boazodujiid jearaheapmi ja árvvus atnin leat loktanan ja máŋggat turismmat háliidit oahpásnuvvat maiddái árbevirolaš dujiid duddjomii ja bargovugiide.
Boazodálloturismma mearkkašumi galgá oaidnit erenoamážit unna, davi giliid ealáhusaid máŋggabealagin šaddamin ja turismma fállan bargosajiin ja boazodoalu gánnihahttivuođa buorráneapmin.
Boazodollui vuođđuduvvan turisma rahpá vejolašvuođaid erenoamážit nuoraide ovddidit boazodoalu.
Bohccos beroštuvvan turistta geahččanguovllus boazodálloturismma ovdun lea nana čanastat boazodollui. Boazodállofitnodatdoallit leat eanáš badjeolbmot dahje badjebearrašat, mat barget boazodoaluin turismabálvalusaid olis.
Boazoturismafitnodagaid áššehasain badjel 90 proseantta leat olgoriikkalaččat.
Porotilamatkailu ry
Boazodálloturismafitnodagaid kvalitehtaofelaš 2012 (suomagillii) (PDF)
