Spiret

Spiriid (gumpe, guovža, geatki ja albbas) náliid sturron 2000-logu álggus lea váikkuhan fuomášahtti ollu boazodollui: spiredeattu leat geahččalan ráđđet beaktilis guođohemiin, gárdumin ja johtimin ollu bohccuid mielde. Dát lea lasihan boazobargguid goasttádusaid ja heajudan gánnihahttivuođa. Sagahanbohccuid manaheamit dolvot badjeolbmo ekonomiijas stuorra bihtá jahkásaččat.

Boraspiriid goddin ja gávdnon bohccot 1991-2023.

Suomas spiredutkamuša resurssat duođalaš spiremeriid čuovvumii ja oktagas dovdamii DNA-čájánasain leat doaivvuheamit vuollemihtiduvvon. Spiriid nálleárvvoštallamat vuođđuduvvet buore muddui spirekontáktaolbmuid TASSU-vuogádahkii almmuhan spireáicamiidda. Spirekontáktaolbmot leat davvin vehá, de áicamat eai vástit duođalaš dili, eaige Mátta- ja Davvi-Suoma áicamat leat veardidangelbbolaččat gaskaneaset.

Spirevahátbuhtadusat boazovahágiin 2000-2023.

 

Geatkki guorramin

Giehtaruohttasa bálgosa boazoisida Tuomas I. Palojärvi mielde guorramin geatkki luottaid Eanodaga Bálojávrris (Youtube). Lapin Kansa – almmuhuvvon 3/2013.