Bohccobierggu háhkamuš
Go oasttát bohccobierggu, gánneha dárkkistit leago biergu miesi vai rávis bohcco biergu ja mii lea dan álgovuolgga. Páhkkenmerkejumiin sáhtát dárkkistit bierggu vuolggasaji. Nammasuodji- ja Hyvää Suomesta -buktagiid álgovuolgga lea álo ruovttueana.
Miesebiergu giksá jođánabbot ja das ii leat nu garra smáhkka. Bohccobierggu biergoráhkadusa oasit leat viehka unna, de danin biergu lea erenoamáš smierru. Borramuša ráhkadeapmái rávvagiid ja tipsaid gávnnat suomagillii čujuhusas www.pororeseptit.fi.
Ruovttueatnamis eanáš oassi vuvdojuvvon bierggus lea miessi. Dábálaččat bohccobiergu lea jiekŋuduvvon. Jiekŋuduvvon bierggu gánneha suddadit galbma čázis ovdal gohkkema.
Bohccobierggu sáhttá oastit maiddái njuolga boazoeaiggádiin njuolggovuovdimin, unnaovddidanlágádusain ja bohccobirgui spesialiseren biergogávppiin ja neahttagávppiin.
Njuolggovuovdin lea bohccobierggu vuovdin njuolga golaheaddjái boazodoalloguovllu álgobuvttadanbáikkis dahje báikkis, gos boazu lea njuvvojuvvon. Áššehas oastá ieš bierggu boazodálus dahje álgobuvttadanbáikkis ja sáhttá seammás oaidnit, gos su oastán bohccobiergu lea boahtán.
Bálgosiid ovttastusa váikkuhusas dahkkon Njuolggovuovdima buorre doaibmanvuogi málle (suomagillii) addá bohccobierggu vuovdái doaibmanrávvagiid ja golaheaddjái dieđu njuolggovuovdima doaibmanprinsihpain.
Oastte bohccobierggu
Oastte bohccobierggu
Lassedieđut:
www.pororeseptit.fi/
osta-poronlihaa. Bálvalussii lea merkejuvvon boazodoalloguovllu bohccobierggu ovddosdikšunfitnodagaid dieđut. Fuomáš, ahte muhttin kártta sajit leat hui lahkalagaid, de daid earuheapmi eaktuda kártta stuorideami doarvái.
Boazoreseapttat
