Miessemearkun

Bohccuid čohkkejit mearkumii dábálaččat mihcamáraid áigge. Miessemearkumis giđđagease riegádan miesit merkejuvvojit bealljemearkkain.

Miessemearkumis ávkkástallojuvvo bohccuid divreáiggi čorragiidda čoahkkaneami. Čorragiid čohkkejit gárddiide juogo vácci dahje njealjejuvllagiiguin, juohke guovllu eatnamiid mielde. Boazodoalloguovllus geavahuvvon vuogit ja bargovuogit leat iešguđetláganat guđet guovllus: barggut ja doaimmat bargojuvvo guđet birrasii ja bálgosa árbevieruide buoremus heivejeaddji vugiin. Buot miessemearkumii gulli barggut, bohccuid čohkken ja jođiheapmi sihke misiid mearkun, bargojuvvo maŋŋit eahkedis ja ihkku, go áibmu čoasku. Ná unnidit bohccuide čuohcci losádus.

Govat: Sállevári Sarvvesčoalmmi miessemearkun 5.-6.7.2014.

Mearkungárddis geažotbeallji misiid váldet gitta juoga gieđaiguin, suohpaniin dahje njozuin ja daidda bidjet čeabehii nummirláhppu, misiid gilkorastet. Gilkorastima maŋŋá misiid luitet ohcat ráfis álddus. Miesit ohcet áldduideaset ja álddut misiideaset ruovgamin. Go áldu ja miessi leaba gávnnadan, gárdi jaskkoda. Dán maŋŋá olbmot johtet gárddis geahččamin, man álddu miige miessi čuovvu. Nummirat čállojuvvojit ja bohtosiid dárkkistit ovttas. Go juohke miessi eaiggát lea ovttamielalaččat čielgan, misiid váldet ođđasit gitta ja merkejit eaiggádis bealljemearkkain. Muhttin bálgosiin boazoeaiggát njoarosta álddu čuovvu miesis gitta ja merke daid. Mearkuma maŋŋá bohccuid luitet ruovttoluotta geasseguohtumiidda.

Miessemearkunbargguin manná oppalohkái sullii moattis golbma vahkkui, dálkkit mearridit ollu. Dán áiggis geahččalit merket stuorámus oasi bálgosa bohccuin. Buot bálgosiin eai mearku geasset misiid. Dalle miesit merkejuvvojit juoga ruovttoáiddis guottehemiin dahje easka čakčat bigálusain.