Akanlahti

Puäʒʒeeʹžžed: Pätsi Antti
Teʹlfon: 040 708 2153
Neʹttpååʹšt: antti.patsi@gmail.com

43_akanlahti

Dommkåʹdd: Posio
Vuʹvddšorrâdvuõtt: 641,5 km2
Šuurmõs lååvlaž puäʒʒlååkk: 1 000
Puäʒʒvuäʹmsteei: 16

Akanlahti paalǥâskåʹdd kooll Kuusamo miârkkpirrõʹsse. Paalǥâskåʹdd lij Posio (60 %), Kuusamo (35 %) da Taivalkoski (5 %) kooʹddin. Paalǥâskåʹdd rajjan tââvast Tolva, nuõrttjest Oivanki da Kallioluoma, saaujâst Hossa-Irni da Taivalkoski da viõsttrest Posion Livo paalǥâskooʹddid.

Paalǥâskååʹdd vuuʹdest nuʹtt 20 % lie riikkjânnam da 80 % privattjânnam. Akanlahti paalǥâskååʹddest jie leäkku luâttmuõrrkarddâz, meermieʹcc leʹbe poostaijânnamvuuʹd.

Paalǥâskååʹddest lie kutt pikalõspääiʹǩ: Kolomilampi, Suonperä, Aitalampi, Pitkälampi, Isokangas da Jokilampi. Vueʹssmieʹrǩǩummšid õʹnne seʹrddemääidain.

Aazztõõzz lij occanj da tõn lij pirr paalǥâskååʹdd. Paalǥâskååʹdd vuuʹdest ij leäkku jõnn čõkkpäiʹǩǩvuuʹd, peʹce uʹcc siid, mâʹte Vasaraperä, Lohiranta, Kynsivaara da Jokilampi. Väʹlddvueʹzzest puk vueʹssneeʹǩǩ jälste paalǥâskååʹdd vuuʹd siidin mâʹte Lohiranta da Jokilampi siidin.