Muonio
Puäʒʒeeʹžžed: Kurki Vili
Teʹlfon: +358 40 083 3373
Neʹttpååʹšt: vilikurki@gmail.com
| Dommkåʹdd: | Muonio |
| Vuʹvddšorrâdvuõtt: | 2 666,4 km2 |
| Šuurmõs lååvlaž puäʒʒlååkk: | 6 000 |
| Puäʒʒvuäʹmsteei: | 127 |
Muonio paalǥâskåʹdd kooll Pallastunturi miârkkpirrõʹsse. Paalǥâskåʹdd lij Muonio kååʹdd lââʹssen (80 % paalǥâskååʹddest) Kolari da Kihttel kooʹddi vuuʹdest.
Paalǥâskåʹdd rajjan viõsttrest Ruõccjânnam raʹjje, tââvast Näkkälä, nuõrttjest Kyrö da Alakylä da saaujâst Kolari paalǥâskooʹddid.
Paalǥâskååʹdd vuuʹdest 66,5 % lie riikkjânnam da 33,5 % privattjânnam. Paalǥâskååʹdd ääppal- da nuõrttvueʹzzest lij Pallas-Yllästunturi meermeäʹcc.
Paalǥâskååʹdd väʹlddpikalõsäidd lij Lamumaa, koʹst lij veiddsõs poortemäidd še. Jeeʹres pikalõsääid lie Sainkangas, Rautuvaara, Käkivaara, Ahvenkielinen, Hangasmaa, Luusunselkä, Juutilainen da Tiuraselkä.
Paalǥâskååʹdd vuuʹdest lie kueʹhtt jõnn maatkčemkõõskõõzz Äkäslompolo-Yllästunturi da Olostunturi. Olos maatkčemkõõskõõzzâst lij piõggkaardâs da Kolari Hannukainen-päikka lij plaaneemnalla ruʹvddkuåivâs.
Aazztõs lij jäänmõsân Muoniojokkvaardâst da väʹlddčuõkku 21 ââlda åårrai siidin. Aazztõs lij nânnsumõs Muoniost, kååʹtt lij paalǥâskååʹdd kõskkpääiʹǩest.
