Lohijärvi
Puäʒʒeeʹžžed: Holster Matti
Teʹlfon: 040 732 8773
Neʹttpååʹšt: matti.holster@gmail.com
| Dommkåʹdd: | Pâʹjjtornio |
| Vuʹvddšorrâdvuõtt: | 1 233,8 km2 |
| Šuurmõs lååvlaž puäʒʒlååkk: | 1 400 |
| Puäʒʒvuäʹmsteei: | 48 |
Lohijärvi paalǥâskåʹdd kooll viõsttâr miârkkpirrõʹsse. Paalǥâskåʹdd lij väʹlddvueʹzzest Pâʹjjtornio kååʹdd vuuʹdest, uʹcc vueʹss paalǥâskååʹdd tâʹvv-vueʹzzest lij Pello kååʹdd vuuʹdest. Paalǥâskåʹdd rajjan viõsttrest väʹlddkååʹdd raʹjje, tââvast Orajärvi, nuõrttjest Palojärvi paalǥâskooʹddid da saaujâst Tornio gåårad raʹjje, kååʹtt lij puäʒʒhåiddvuuʹd raajj še.
Lohijärvi paalǥâskåʹdd lij sõrgg obbnes privattvuäʹmstummšest, tåʹlǩ måttam uʹcc pååđai vuuʹd lie riikk vuäʹmstummšest. Paalǥâskååʹdd vuuʹdest 6,4 % lie riikkjânnam da 93,6 % privattjânnam. Paalǥâskåʹdd tuåimmai puäʒʒhåiddvuuʹd saujjraajâst, ij-ǥa raajâst leäkku äidd.
Aazztõs lij jäänmõsân Pâʹjjtornio ceerkavsiidâst da Lohijärvi, Mellakoski da Portimojärvi vuuʹdin. Aazztõõzz lij tääʹsspeällsânji paalǥâskååʹdd vuuʹdest. Lohijärvi paalǥâskååʹdd vueʹssniiʹǩǩin sõrgg juõʹǩǩʼkast lij mäddtääll. Väʹlddveärlaž puäʒʒtäälaid lij pâi õhtt.
