Oivanki

Puäʒʒeeʹžžed: Kujala Juha
Teʹlfon: 040 913 7616
Neʹttpååʹšt: oivanginpaliskunta@gmail.com

Oivanki paalǥâskåʹdd kooll Kuusamo miârkkpirrõʹsse. Paalǥâskåʹdd lij Kuusamo gåårad kõskkvueʹzzest. Paalǥâskåʹdd rajjan nuõrttjest Ruõššjânnam riikkraʹjje, saaujâst Kallioluoma, viõsttrest Akanlahti da Tolva da tââvast Alakitka paalǥâskooʹddid.

Paalǥâskååʹdd vuuʹdest 3,8 % lie riikkjânnam da 96,2 % privattjânnam.. Paalǥâskååʹdd luõʹddai väʹlddčuâǥǥas 5, kååʹtt rääjj vaiggubun puõcci palggmõõžž da vesttummuž. Ruka čuõiggâmkõõskõs pohtt voudda jiânnai määtklaid.

Paalǥâskååʹddest lie nuʹtt 20 äiddpäiʹǩǩed. Ǩiiddõs ääid lie vitt, seʹrddemääidid õʹnne nuʹtt lååʹjjest äiddpääiʹǩest. Kueʹhtt äiddpääiʹǩest lie poortemääid. Šâddeemvuuʹd suõjjääidid lie jouddâm raajjâd šuurmõs vuâssa šâddeemvuuʹdid.

Aazztõõzz lij jäänmõsân Kuusamo ceerkavsiidâst, Rukast da Nissivaarast. Aassimieʹrr lij gåårdest lij ǩeäppnam mõõnni iiʹjjin da jeäʹrben čårrsiid poostjâʹvve.