Isosydänmaa

Puäʒʒeeʹžžed: Haapaniemi Markus
Teʹlfon: 050 561 9827
Neʹttpååʹšt: markus.haapaniemi@gmail.com

Isosydänmaan paalǥâskåʹdd kooll Nuõrttǩeeʹmmjooǥǥ miârkkpirrõʹsse. Paalǥâskåʹdd lij Simo, Ranua da Tervola kooʹddi vuuʹdest. Paalǥâskåʹdd rajjan tââvast Narkaus, nuõrttjest Kuukas da saaujâst Oijärvi paalǥâskooʹddid. Viõsttâr beäʹlnn paalǥâskåʹdd vuäll Puåššmiâr reedd räjja.

Paalǥâskååʹdd vuuʹdest 46,3 % lie riikkjânnam da 53,7 % privattjânnam.

Paalǥâskååʹdd vuuʹdest lie Runkaus luâttmuõrrkaardâs di mueʹdd jeeʹres Naturavuuʹd. Ranua Suhankooʹje lij plaaneem vueʹlnn platinametallkuåivâs, kååʹtt šõõddči Isosydänmaa da Narkaus raʹjje. Paalǥâskååʹdd vuuʹdest lie tuåimmjummšest da plaaneem vueʹlnn åårrai lâuʹŋŋpuuʹtʼtemvuuʹd di määŋg plaanuum piõggviõkkpuuʹtʼtemvuuʹd.

Paalǥâskååʹddest lie jäänmõsân ââʹnnmest seʹrddemnallšem äiddneävv. Ǩiiddõs ääid palggsest lie Alatalon-antinvaarast, kååʹtt lij ââʹnnmest juõʹǩǩ eeʹjj. Miârkteei aazztõskõõskõs lij Simo ceerkavsijdd, leša paalǥâskååʹdd vuuʹdest lie määŋg uʹcc siid. Aazztõs vuuʹdest lij samai mäddtäällvälddsaž še.