Oijärvi
Puäʒʒeeʹžžed: Siurua Henri
Teʹlfon: 044 972 6619
Neʹttpååʹšt: hene.si@hotmail.com
| Dommkåʹdd: | Ii |
| Vuʹvddšorrâdvuõtt: | 1 278,4 km2 |
| Šuurmõs lååvlaž puäʒʒlååkk: | 1 300 |
| Puäʒʒvuäʹmsteei: | 45 |
Oijärvi paalǥâskåʹdd kooll Pudasjärvi miârkkpirrõʹsse. Paalǥâskåʹdd lij Ii kååʹdd vuuʹdest.
Paalǥâskåʹdd rajjan tââvast Isosydänmaa, äpplest Kuukas, nuõrttjest Ikosen, saujj-ooʹbbdneeʹǩǩest Kiiminki-Kollaja paalǥâskooʹddid da vuärjjlest puäʒʒhåiddvuuʹd saujjraʹjje.
Paalǥâskååʹdd vuuʹdest 39,1 % lie riikkjânnam da 60,9 % privattjânnam. Paalǥâskååʹdd vuuʹdest harjjtet viõkkšânji lâuʹŋŋpuuʹtʼtummuž da mäddtääl. Malmmooccâmväʹlddemvuuʹd lie kolmmân jeeʹres põrggsest. Litokairast lij jeäʹǧǧsuõjjlemvuʹvdd.
Šâddeemjânnmi suõjjääid lie 10, aktiivšõddummšest åårrai äidduum vuuʹd lij nuʹtt 120 hehttred. Suõjjääid lie rajjum jiânnai. Palggsest ij leäkku samai šiõǥǥ äiddsneeʹtt, ni õhtt ǩiiddõs äidd ij leäkku ââʹnnmest. Paalǥâskååʹddest ââʹnet seʹrddemääidid taarb mieʹldd.
Miârkteei aazztõskõõskõs lij Kuivaniemi ceerkavsijdd. Palggâz vuuʹdest lie jiânnai siid, mâʹte Tannila, Jakkukylä da Oijärvi di mäddtäällvälddsaž vuuʹd mâʹte Leua da Luola-aapa.
